Opna Advania mótið var haldið á Hlíðarendavelli laugardaginn 2.september. Spilaður var betri bolti – punktakeppni – og 10 lið voru skráð til leiks. Tveir og tveir skráðu sig saman og gilti betra skor á holu. Keppendur fengu 7/8 af leikforgjöf. Duglega rigndi á keppendur meginhluta mótsins en að sama skapi dró úr vindinum og hlýtt var í veðri.

Úrslitin urðu þessi:

1. Aceno1and2 – Magnús Gunnarsson og Ásmundur Baldvinsson GSS – 45 punktar
2. Á1 – Ingibjörg Ólöf Guðjónsdóttir og Björn Sigurðsson GSS – 39 punktar
3. Tiger & Zipper – Ingvi Þór Óskarsson og Hjörtur Geirmundsson GSS – 37 punktar
4. E8 – Herdís Sæmundardóttir og Guðmundur Ragnarsson GSS – 37 punktar
5. Krítverjar – Gróa María Einarsdóttir og Guðmundur R. Sigurðsson Kemp GÓS – 36 punktar

Aukaverðlaun:

Næst holu á 6/15 holu – Rafn Ingi Rafnsson GSS – 4,50m

Næst holu á 9/18 holu eftir 2 högg Hákon Ingi Rafnsson GSS – 2,17m

Lokamót Íslandsbankamótaraðar barna og unglinga fór um fram um síðustu helgi á golfvelli Golfklúbbs Kópavogs og Garðabæjar (GKG ) Leirdalsvelli. Keppt var í flokkum frá 14 ára og yngri og upp í 21 árs aldur. Golfklúbbur Sauðárkróks átti þrjá þátttakendur á þessu móti. Veður setti svip sitt á mótið því alla jafna eru spilaðar 36 holur í flestum flokkum nema í tveimur elstu, þar eru spilaðar 54 holur. Veður var hins vegar með þeim hætti á laugardeginum að keppni var aflýst og mótið því klárað á sunnudeginum. Hákon Ingi Rafnsson sem lék í flokki 15-16 ára spilaði frábært golf á sunnudeginum og lék á 71 höggi eða pari vallarins sem skilaði honum í 3.sæti í þessum gríðarsterka flokki. Sannarlega góður árangur hjá honum þar sem hann lék 14 holur á pari, fékk tvo fugla og tvo skolla og niðurstaðan því par vallarins.

Hákon er lengst til vinstri á myndinni

Golfklúbbur Sauðárkróks sendir lið til keppni dagana 18.-20. ágúst n.k. á íslandsmót golfklúbba 15 ára og yngri.

Við njótum liðsinnis frá tveimur kylfingum úr Golfklúbbi Fjallabyggðar á Ólafsfirði. Ein stúlka og einn strákur.

Stúlkurnar leika á Selsvelli á Flúðum og sveitin er þannig skipuð:

Anna Karen Hjartardóttir GSS

Hildur Heba Einarsdóttir GSS

Rebekka Helena Barðdal Róbertsdóttir GSS

Sara Sigurbjörnsdóttir GFB

Una Karen Guðmundsdóttir GSS

Strákarnir leika á Hlíðavelli í Mosfellsbæ og sveitin er þannig skipuð:

Alexander Franz Þórðarson GSS

Arnar Freyr Guðmundsson GSS

Bogi Sigurbjörnsson GSS

Einar Ingi Óskarsson GFB

Tómas Bjarki Guðmundsson GSS

Hægt verður að fylgjast með framvindu mála á www.golf.is alla daga