Kvennamót GSS hefur síðustu tvo áratugi skipað sér sess meðal glæsilegustu golfmóta sem sögur fara af. Allir þáttakendur hafa farið heim með glaðning, sem ekki væri hægt nema vegna þess að fyrirtæki og aðilar í samfélaginu hafa í gegnum tíðinna stutt dyggilega við mótahaldið. Nú sem fyrr er stefnt að flottu móti og eru allar konur í golfi hvattar til að skrá sig til leiks.

Mótið verður haldið laugardaginn 29. júní 2024. Keppt er í einum opnum flokki, punktakeppni með forgjöf þar sem hámarksleikforgjöf er 28. Mótið er þó opið öllum með forgjöf.

Nándarverðlaun á 6./15. og hlaðborð vinninga. Að auki má búast við einhverjum skemmtilegum aukavinningum og teiggjöf.