Eins og áður hefur komið fram mun GSS standa fyrir púttmótaröð í inniaðstöðunni Borgarflöt 2 á Sauðárkróki undir yfirskriftinni „Sjónvarpslausir fimmtudagar“. Öllum er heimilt að koma og taka þátt í púttmótinu og kostar 500 krónur í hvert mót, en innifalið kaffi og veitingar ef þannig stendur á.

Á hverju fimmtudagskvöldi frá 19:30-21:30 verður inniaðstaðan opin og mótið spilað á þeim tíma. Leiknir verða 4 hringir á púttvellinum 36 holur og er líklegt að það taki frá 40 mínútum til klukkutíma að spila holurnar.

Mótin verða haldin á hverju fimmtudagskvöldi kl. 19:30-21:30, nema annað sé auglýst sérstaklega.

Miðað er við að 4 mót séu í hverjum mánuði og telja 3 þau bestu til verðlauna.

Þátttaka á hverju fimmtudagskvöld kostar kr.500,-.

Leiknar verða 36 holur hverju sinni og er fjöldi högga skráður eftir hverjar 9 holur á skráningarblað. A.m.k. 2 spila saman. Að loknum 36 holum staðfestir meðspilari réttan höggafjölda á skráningarblaðið.
Heimilt er að leika 9 holu æfingahring áður en keppni hefst.

Ef bolti fer út fyrir jaðar púttvallar er honum stillt upp þar sem hann fór út af gegn einu vítishöggi.

Verðlaun eru veitt fyrir 4 efstu sætin í hverjum mánuði og eru verðlaun sem nemur 50% af innkomu mótanna í mánuðinum.

Ef fleiri en 1 eru jafnir í sætum er bráðabani ef keppendur eru á svæðinu, annars er hlutkesti látin ráða.

Sunnudaginn 3. nóvember frá 14:00-16:00 verður opið hús í inniaðstöðu golfklúbbsins að Borgarflöt 2. Þar verður m.a. kynnt púttmótaröð sem verður spiluð öll fimmtudagskvöld í vetur, undir yfirskriftinni Sjónvarpslausir fimmtudagar. Reglur um mótaröðina verða kynntar á sunnudaginn auk þess sem golfhermirinn verður í gangi.
Hvetjum við alla félaga til að mæta og ræða vetrarstarfið og nýtingu á æfingarhúsnæðinu okkar.

Vinsamlegast látið berast til félaga.

Með bestu kveðju
nefndin

Á meðan Laufskálamótinu stendur(laugardagurinn 28 sept) verður 30% afsláttur á golfvörum í sjoppunni á Hlíðarenda, einnig bjóðum við félögum að koma með golfáhöld sem þeir eru hættir að nota og hafa á staðnum til sölu (5% umboðslaun sem renna til GSS). Æskilegt er að viðkomandi séu búnir að gera upp við sig hvað þeir vilja fá fyrir búnaðinn áður en hann er afhentur í skálanum.

 Mikið er um óskilamuni á Hlíðarenda og verður þessu komið fyrir í skálanum – það sem ekki verður sótt verður gefið í fatasöfnun Rauðakrossins eða því fargað. Verður starfsmaður í skálanum frá kl.09:30 – 16:00.