Aðgerðastjórn Almannavarna á Norðurlandi vestra beinir þeim tilmælum til félagsmanna GSS að fara í mesta lagi tveir saman í golf á Hlíðarendavelli til 16. maí.

Ljóst er að tiltektardagur og -mót, sem fyrirhugað var 16. maí, frestast um óákveðinn tíma.

Inniaðstaða Borgarflöt verður lokuð 10. – 16. maí.
Gildir um alla inniaðstöðu, hermi og púttsvæði.

Vallarstjóri hefur opnað inn á sumarflatir á fyrstu 8 brautunum. Braut 9 er lokuð, en í staðinn má slá af gula teignum á 9. niður á 5. flöt (passa bara umferð á fimmtu braut). Varateigar (vetrarteigar) eru á nokkrum brautum. Kerrur er leyfðar.

Gangið vel um völlinn, færið bolta af blautum svæðum, lagið kylfuför á brautum og boltaför á flötum. Enginn ætti að spila á vellinum nema hafa flatargaffal í pokanum/vasanum til að laga boltaför. Góð regla er að laga eigið boltafar, finna annað boltafar og gera við það líka.