Minningarmót um Friðrik J. Friðriksson

Við minnum á opið golfmót á morgun til minningar um Friðrik lækni, einn af frumkvöðlum golfiðkunar á Sauðárkróki.

Leikfyrirkomulag er höggleikur með forgjöf.  Hámarksleikforgjöf karla er 24 og kvenna 28.

Mótið hefst stundvíslega klukkan 10:00 (Þáttakendur eru beðnir að mæta ekki seinna en kl. 9:45 við skálann)
Verðlaun fyrir að vera næst holu á flöt á 6/15. braut og næst holu í öðru höggi á 9./18. braut.

Ræst verður út á öllum teigum, skráning fer eftir „shotgun“ þar sem þú skráir þig í holl og á hvaða holu þú vilt byrja. Borgar sig að skrá sig sem fyrst og velja teig 🙂

Opið fyrir skráningu á golf.is til klukkan 20:00 föstudaginn 9. júní.

Categories: Óflokkað

Starfið komið á fullt – gagnlegar upplýsingar

Ágætu golfarar,

Núna er allt að komast í gang fyrir sumarið.

Sjoppan – Opnunartímar:
Mánudaga til föstudaga: 10:00 til 18:00 (Lengur meðan mót standa yfir á þriðjudögum og miðvikudögum)
Laugardaga og sunnudaga: 10:00 til 16:00 (Lengur þá daga sem mót eru haldin).

Árgjöld:
Þeir sem eiga eftir að ganga frá árgjöldum sumarsins eru beðnir um að drífa í því sem fyrst.

Nýliðanámskeið
Allir eru velkomnir á nýliðanámskeiðið sem hefst á fimmtudaginn 8. júní. Námskeiðið stendur saman af tveimur kennslustundum á viku (í fimm vikur, síðdegis á mánudögum og fimmtudögum). Nánari upplýsingar veitir Árný Lilja Árnadóttir í síma: 8499420

Rástímaskráning:
Við biðjum alla að skrá sig á rástíma á golf.is. Til þess þarf aðgang (Notendanafn og lykilorð).
Ef einhver vantar frekari upplýsingar eða aðstoð um þetta þá má hafa samband við undirritaðan.

Frjálsir föstudagar:
Áframhald verður á „frjálsum föstudögum“ en í fyrra prófuðum við að leyfa félagsmönnum að taka með sér gesti á föstudögum til að kynna golfvöllinn og íþróttina. Þau skilyrði sem við setjum er að gesturinn sé ekki í golfklúbbi og búi á svæðinu. Þetta er hugsað sem liður í kynningarstarfi sem allir félagsmenn geta tekið þátt í.

Categories: Óflokkað