Golfklúbbur Sauðárkróks keppti dagana 7-9 ágúst í sveitakeppni Golfsambands Íslands í 3.deild á Bárarvelli við Grundarfjörð. Í liði GSS voru að þessu sinni þeir Arnar Geir Hjartarson, Elvar Ingi Hjartarson, Hákon Ingi Rafnsson, Jóhann Örn Bjarkason og Jón Þorsteinn Hjartarson. Liðsstjóri var Hjörtur Geirmundsson.

Keppt er í 5 deildum í karlaflokki og eru 8 lið í hverri deild alla jafna. Í 3.deild er keppt með holukeppnisfyrirkomulagi þannig að tveir úr hvoru liði spila saman svokallaðan fjórmenning og síðan spila 2 sinn hvorn tvímenningsleikinn. Keppt er í tveimur 4. liða riðlum. Þetta eru því 3 leikir í hverri umferð.

1. umferðin var leikin á föstudagsmorgni og þá lék GSS við Golklúbb Hellu(GHR). Elvar Ingi og Jóhann Örn spiluðu fjórmenning og sigruðu 5/4. Í tvímenningsleikjunum tapaði Arnar Geir 1/0 og Jón Þorsteinn tapaði 2/1. Eftir hádegið á föstudeginum var leikið á móti Golfklúbbnum Hamri á Dalvík (GHD). Elvar Ingi og Jóhann Örn spiluðu fjórmenning og sigruðu 2/0. Í tvímenningi tapaði Arnar Geir 2/1 og Jón Þorsteinn 4/2. Það var því ljóst að ef GSS ætlaði að lenda í 2.sæti riðilsins þá þyrfti að sigra í öllum leikjum á móti heimamönnnum í Golfklúbbnum Vestarr á laugardagsmorgninum. Fjórmenninginn spiluðu þeir Jóhann Örn og Jón Þorsteinn og var sá leikur mjög spennandi en að lokum höfðu þeir sigur 1/0. Tvímenningsleikirnir unnust nokkuð örugglega. Arnar Geir sigraði 3/2 og Elvar Ingi sigraði 4/3. Eftir þann leik var ljóst að GSS myndi lenda í öðru sæti riðilsins og spila eftir hádegið við efsta sætið í hinum riðlinum sem var Golfklúbbur Akureyrar (GA). Sama liðsskipan var í þeim leik og um hörkuviðureign varð að ræða þó svo á endanum töpuðust allir leikirnir. Jóhann Örn og Jón Þorsteinn töpuðu með minnsta mögulega mun 1/0 og einnig Elvar Ingi í sínum leik 1/0 en Arnar Geir tapaði 3/2. Það var því ljóst eftir þann leik að GA myndi leika í 2.deild á næsta ári. Í hinum undanúrslitaleiknum léku Dalvík ( GHD) og Húsavík ( GH) og þar sigraði GHD í tveimur viðureignum en GH í einni. Lokaleikur GSS var því á móti GH á sunnudagsmorgninum. Í fjórmenningi léku þeir Arnar Geir og Elvar Ingi og sigruðu mjög örugglega 7/6 í sínum leik. Hákon Ingi Rafnsson lék síðan fyrsta leik sinn í sveitakeppni karla, 14 ára gamall, og tapaði 6/5. Jóhann Örn sigraði síðan 2/1 í sínum leik og 3.sætið staðreynd hjá GSS sem er alveg ljómandi árangur.

Þetta var mjög skemmtileg keppni í alla staði og vel að hlutum staðið hjá heimamönnum á Grundarfirði. Allt skipulag til fyrirmyndar og völlurinn alveg stórskemmtilegur og óhætt að mæla með honum við alla golfara.

Meðfylgjandi er mynd af sveit GSS.

Golfklúbbur Sauðárkróks sendir sveit til keppni í sveitakeppni GSÍ 3.deild sem að þessu sinni er haldin á Grundarfirði 7.-9.ágúst, en alls er keppt í 5 deildum í karlaflokki. Sveitin hefur verið valin og hana skipa eftirtaldir:

Arnar Geir Hjartarson

Elvar Ingi Hjartarson

Hákon Ingi Rafnsson

Jóhann Örn Bjarkason

Jón Þorsteinn Hjartarson

Hjörtur Geirmundsson – liðsstjóri

Í 3.deild ásamt GSS eru sveitir frá Akureyri, Dalvík, Húsavík, Vogum, Hellu, Ísafirði og heimamenn í Grundarfirði.

Hægt verður að fylgjast með framvindu allra deilda sveitakeppninnar á golf.is

Þrátt fyrir rigningaspá og kulda skall á blíðskaparveður og mættu 28 keppendur til leiks á Steinullarmótið sem í ár er framlag GSS til Norðvesturþrennunnar, mótaröð GSK, GÓS og GSS.

Fyrirkomulag mótsins var punktakeppni án forgjafar í kvenna- og karlaflokki og einn opinn flokkur með forgjöf.

Helstu úrslit í karlaflokki voru:

1. sæti Arnar Geir Hjartarson GSS – 34 punktar.

2. sæti Jóhann Örn Bjarkason GSS – 26 punktar.

3. sæti Guðmundur Ragnarsson GSS – 24 punktar.

Helstu úrslit í kvennaflokki voru:

1.  Árný Lilja Árnadóttir GSS – 29 punktar.

2. Dagbjört Rós Hermundsdóttir GSS- 20 punktar.

3. Sigríður Elín Þórðardóttir GSS- 20 punktar.

Helstu úrslit í opnum flokki með forgjöf:

1. Árný Lilja Árnadóttir GSS- 39 punktar.

2. Arnar Geir Hjartarson GSS- 38 punktar.

3. Svanborg Guðjónsdóttir GSS 37 punktar.

4. Dagbjört Rós Hermundsdóttir GSS – 37 punktar

5. Adolf Hjörvar Berndsen GÓS – 37 punktar

6. Reynir Barðdal GSS – 37 punktar.

Jóhann Örn Bjarkason var næstur holu í öðru höggi á 9/18 braut og Jón Jóhannson GÓS var næstur holu eftir upphafshögg á 6/15 braut.

Forsvarsmönnum Steinullarverksmiðjunnar á Sauðárkróki eru færðar þakkir fyrir stuðninginn.