Glæsilegt 2ja daga mót sem er haldið með stuðningi FISK Seafood! Liðakeppni fyrir hjón, pör, frænkur, frændur, nágranna, og félaga (18 ára og eldri). Verður haldið 15-16 júní.

Skráning opnar 15 maí og lokar 10 júní. Mótsgjald er 32.000kr á lið og greiðist við skráningu í Golfbox. Við afskráningu eftir 12. júní verður ekki hægt að fá endurgreitt.

Athugið að aðeins 32 lið komast í mótið (64 kylfingar), fyrstur kemur, fyrstur fær. Ef uppselt verður í mótið geta lið sent póst á mótstjórn og óskað eftir skráningu á biðlista.

Innifalið í mótsgjaldi: Æfingahringur á föstudegi. Tveggja daga mót, teiggjöf, og 2ja rétta kvöldverður á Sauðá kl 19:30 á laugardagskvöldi. Útdráttarverðlaun í kvöldverðinum (ath. liðsmenn þurfa að vera viðstaddir til að fá úrdráttarverðlaunin). Verðlaun fyrir 1-5 sæti, auk nándarverðlauna á par 3 holum.

Verðlaun:

1. sæti - 2x 60 þús kr gjafabréf (Golfskálinn)
2. sæti - 2x 50 þús kr gjafabréf (Golfskálinn)
3. sæti - 2x 40 þús kr gjafabréf (Golfskálinn)
4. sæti 2x 30 þús kr gjafabréf (Golfskálinn)
5. sæti 2x 20 þús kr gjafabréf (Golfskálinn)

Glæsileg nándarverðlaun á báða keppnisdaga á par 3 holum. Laugardagur- 2x 25 þús kr gjafabréf (Golfskálinn). Sunnudagur- 2x25 þús kr gjafabréf (Golfskálinn).

Aðeins þeir sem eru með forgjöf samkvæmt forgjafarkerfi GSÍ geta unnið til verðlauna um 1-5 sæti. Allir geta unnið til nándaverðlauna.

Keppnisskilmálar:

Hámarksforgjöf er 24 hjá körlum og 28 hjá konum. Leiknar verða 36 holur á tveimur dögum. Keppnisfyrirkomulag er Betri Bolti og Greensome.

Karlar spila af gulum teigum og konur af rauðum. Ef keppandi vill spila af öðrum teig þarf að senda skilaboð á mótstjórn í síðasta lagi daginn fyrir mót. Að öðru leiti gilda Móta og Keppendareglur GSÍ frá 11 apríl 2022.

Fyrri daginn er leikinn fjórleikur (Betri Bolti), punktakeppni með forgjöf:

Tvei samherjar (lið) keppa saman og hvor leikmaður leikur sínum bolta. Skrá skal heildarskor hvors leikmanns á skorkort. Skor liðsins á hverri holu er lægra skor samherjanna á holunni. Rástímar frá kl 10:00, mætið tímanlega fyrir rástíma.

Seinni daginn er leikinn fjórmenningur (Greensome), punktakeppni með forgjöf:

Samherjar slá báðir upphafshögg og velja hvaða bolti er betri og slá síðan til skiptis þar til í holu er komið. Annað högg slær sá sem á ekki upphafshöggið sem var valið. Í fjórmenningi er leikforgjöf liðsins 60% af lægri leikforgjöf plús 40% af hærri leikforgjöf.

Mæting í skála kl 9:30. Allir keppendur verða ræstir út á sama tíma, kl. 10:00. Raðað verður í ráshópa eftir skori fyrri dags.

Verðlaunaafhending fer fram í golfskála að loknum leik á sunnudegi.