Púttmót í kvöld 9.janúar
Púttmót verður haldið á Flötinni í kvöld fimmtudaginn 9.janúar og hefst það kl.20:00.
Púttaðar verða 36 holur og er þátttökugjald kr. 500,-
Við viljum hvetja alla til að mæta.
Aðalfundur GSS
Minnum á aðalfund GSS fyrir árið 2013 sem haldinn verður að Hlíðarenda í kvöld mánudaginn 6. janúar kl. 20:00. Venjuleg aðalfundarstörf.
Stjórnin
Arnar og Nína sigra í jólamótinu
Arnar Geir Hjartarsson og Nína Þóra Rafnsdóttir urðu hlutskörpust í jólamótinu í golfherminum. 
Arnar gerði sér lítið fyrir og spilaði Castle pines völlinn á 66 höggum eða 60 höggum þegar forgjöf hefur verið reiknuð inn í málið. Arnar sigraði án forgjafar. Í öðru sæti varð Ingvi Þór Óskarsson á 69 höggum og þriðji Guðmundur Ragnarsson á 76 höggum. Með forgjöf sigraði Nína Þóra Rafnsdóttir á 57 höggum. Arnar Geir varð annar á 60 höggum. Þau Nína og Arnar hlutu í verðlaun glæsilega ostakörfu í boði Hlíðarkaups.
Næsta mót er fyrirhugað í lok janúar en hermirinn er að sjálfsögðu opinn.