Meistaramót barna-og unglinga GSS verður haldið 2.-5. júlí n.k.

Mótið er kynja-og aldursskipt.

Keppt verður í eftirtöldum flokkum

15-16 ára stúlkur – rauðir teigar – 54 holur

15-16 ára drengir – gulir teigar – 54 holur

14 ára og yngri stúlkur – rauðir teigar – 54 holur

14 ára og yngri drengir – rauðir teigar – 54 holur

12 ára og yngri stúlkur – rauðir teigar –18  holur

12 ára og yngri drengir – rauðir teigar – 18 holur

Byrjendur – stúlkur – styttir teigar – 9 holur

Byrjendur – drengir – styttir teigar – 9 holur

Gert er ráð fyrir að 12 ára og yngri flokkarnir og byrjendaflokkar  spili frá kl.10 einhverja keppnisdagana.

Eldri flokkar spila eftir hádegi og finna sér rástíma fyrsta daginn.

Leyfilegt er að flokkarnir sem spila 54 holur spili saman fyrsta dag en hina tvo verður ræst út eftir besta skori eftir flokkum.

Þá er komið að árlegu móti í samstarfi við IcelandairGolfers. Fyrirkomulag er höggleikur með og án forgjafar. Hámarks leikforgjöf karla er 24 og kvenna 28.
Veitt verða verðlaun fyrir 3 efstu sætin í hvorum flokki, sami aðili getur ekki unnið til verðlauna í báðum flokkum. Nándarverðlaun á 6/15 og næst holu í öðru höggi á 9/18.

Verði keppendur jafnir í verðlaunasæti án forgjafar verður háður bráðabani á 9 braut, en þó ekki oftar en einu sinni. Séu keppendur enn jafnir er slegið frá 100 metra hæl og vinnur sá/sú sem er nær holu.

Mótsstjóri Sigríður Elín Þórðardóttir

Jónsmessugleði GSS fór fram með pompi og prakt á Hlíðarendavelli á að kveldi sumarsólstöðudags þann 21. júní 2013 (sem voru nákvæmlega kl. 05.04 í ár að staðartíma),  þremur dögum fyrir Jónsmessu sem er fæðingarhátíð Jóhannesar skírara. Ekki er vitað til að sá Jói hafi verið skýrari í golfi en t.d. Gestur Sigurjónsson, sem bar sigur úr býtum  og hreppti til varðveislu hinn eftirsótta Jónsmessupela. Fær hann nafn sitt letrað á gripinn en verður að skila honum að ári átöppuðum. Gestur þurfti ásamt öðrum keppendum að leysa nokkrar snúnar þrautir auk þess að koma kúlunni í holur sem voru ævintýralega staðsettar. T.d. að slá teighögg með pútter á þriðju, með örvhentri kylfu á fimmtu og með bundið fyrir augu á áttundu. Þessar þrautir leysti Gestur snilldarlega. Ágreiningur var vakinn upp frammi fyrir dómara í mótslok um verðlaunaafhendinguna þar sem tilkynnt hafði verið  var í byrjun að enginn gestur gæti hreppt pelann góða. Dómari blés á þetta andóf og vitnaði í hið fornkveðna að glöggt sé Gests golfið.