Golfklúbbur Sauðárkróks sendir lið til keppni dagana 18.-20. ágúst n.k. á íslandsmót golfklúbba 15 ára og yngri.

Við njótum liðsinnis frá tveimur kylfingum úr Golfklúbbi Fjallabyggðar á Ólafsfirði. Ein stúlka og einn strákur.

Stúlkurnar leika á Selsvelli á Flúðum og sveitin er þannig skipuð:

Anna Karen Hjartardóttir GSS

Hildur Heba Einarsdóttir GSS

Rebekka Helena Barðdal Róbertsdóttir GSS

Sara Sigurbjörnsdóttir GFB

Una Karen Guðmundsdóttir GSS

Strákarnir leika á Hlíðavelli í Mosfellsbæ og sveitin er þannig skipuð:

Alexander Franz Þórðarson GSS

Arnar Freyr Guðmundsson GSS

Bogi Sigurbjörnsson GSS

Einar Ingi Óskarsson GFB

Tómas Bjarki Guðmundsson GSS

Hægt verður að fylgjast með framvindu mála á www.golf.is alla daga

Íslandsmót golfklúbba í flokki fullorðinna fór fram um síðustu helgi í öllum deildum á landinu.

Sveitir Golfklúbbs Sauðárkróks stóðu sig mjög vel í sínum deildum.

Kvennasveit GSS lék í 2.deild á Bárarvelli við Grundarfjörð hjá Golfklúbbnum Vestarr og gerðu sér lítið fyrir og urðu í 2.sæti í deildinni og leika því í efstu deild á næsta ári. Sannarlega glæsilegur árangur.

Karlasveit GSS lék í 3.deild á Kálfatjarnarvelli á Vatnsleysuströnd hjá Golfklúbbi Vatnsleysustrandar. Sveitin endaði í 5.sæti og leikur því að ári áfram í 3.deild.

Hægt er að skoða úrslit í öllum leikjum á www.golf.is

Golfklúbburinn ætlar að halda styrktarmót fyrir Arnar Geir Hjartarson sem fer aftur til Bandaríkjanna í háskólanám í Missouri Valley College á skólastyrk vegna golfiðkunar um miðjan ágúst. Sláum upp léttu móti þar sem við spilum 9 holur og síðan verða kaffi og kökur í boði fjölskyldunnar að loknu móti. Við ætlum að ræsa út af öllum teigum samtímis kl.17:15 og gott væri að allir myndu vera mættir kl.17:00 til að hægt væri að raða hollum á teiga. Óvænt verðlaun í boði.

Hver veit nema Arnar Geir verði úti á velli og taki högg á einhverjum brautum fyrir þátttakendur!

Mótsgjaldið er 2.000,- eða frjálst eftir því sem hver og einn vill. Vonumst til að sjá sem allra flesta og eiga saman notalega stund í mótslok.

Allir velkomnir í kaffi eftir mót óháð því hvort þeir taka þátt í mótinu eða ekki.

Skráning er á www.golf.is