Aðalfundur Golfklúbbs Sauðárkróks verður haldinn í golfskálanum að Hlíðarenda, þriðjudaginn 29. nóvember 2016, kl. 19:30.

Dagskrá fundarins er eftirfarandi:
1. Skýrsla stjórnar og nefnda
2. Endurskoðaðir reikningar lagðir fram.
3. Lagabreytingar.
4. Kosning stjórnar og varamanna.
5. Kosning í aðrar nefndir samanber 9.grein.
6. Kosnir tveir skoðunarmenn reikninga og tveir til vara.
7. Kosning fulltrúa á Golfþing G.S.Í og þing U.M.S.S.
8. Ákvörðun inntökugjalds
9. Ákvörðun félagsgjalda
10. Önnur mál.

Við vonumst til að sem flestir sjái sér fært að mæta.
Stjórn GSS

Lokamót Norðurlandsmótaraðar barna og unglinga fór fram á Jaðarsvelli sunnudaginn 4. september s.l. Að venju átti Golfklúbbur Sauðárkróks marga þáttakendur í öllum flokkum sem keppt var í. Þá voru einnig krýndir Norðurlandsmeistarar í öllum flokkum og þar átti Golfklúbbur Sauðárkróks tvo sigurvegara. Það voru þær Anna Karen Hjartardóttir sem varð Norðurlandsmeistari í flokki 12 ára og yngri og Hildur Heba Einarsdóttir sem varð Norðurlandsmeistari í flokki 14 ára og yngri. Báðar voru þær að verja Norðurlandsmeistaratitla sína í þessum flokkum frá því í fyrra. Fjögur mót eru í mótaröðinni og telja þrjú bestu til titilsins. Keppt var á Sauðárkróki, Dalvík, Ólafsfirði og loks Akureyri.
Helstu úrslit úr lokamótinu sjálfu hjá keppendum Golfklúbbs Sauðárkróks voru þessi.
Í byrjendaflokki sigraði Una Karen Guðmundsdóttir og Rebekka Helena Barðdal Róbertsdóttir varð í öðru sæti. Reynir Bjarkan Barðdal Róbertsson varð í öðru sæti í flokki 12 ára og yngri og Anna Karen Hjartarsdóttir varð í þriðja sæti í sama flokki. Maríanna Ulriksen varð í öðru sæti í flokki 14 ára og yngri og Hildur Heba Einarsdóttir í þriðja sæti í sama flokki. Í flokki 15-16 ára varð Telma Ösp Einarsdóttir í öðru sæti og Hákon Ingi Rafnsson varð einnig í öðru sæti í sama flokki.

Allar nánari upplýsingar um mótið er að finna á www.golf.is
Keppendur Golfklúbbs Sauðárkróks voru mjög dugleg að sækja þessa mótaröð í allt sumar og náðu flottum árangri og voru til fyrirmyndar bæði á golfvellinum sem utan hans.

Tíunda og síðasta Ólafshússmótið fór fram miðvikudaginn 24. ágúst.  Andvirði mótsgjalda og frjáls framlög félagsmanna í GSS fóru ferðasjóð Ívars Elí Sigurjónssonar og fjölskyldu.

Helstu úrslit mótaraðarinnar:

Telma Ösp Einarsdóttir var með flesta punkta með forgjöf og Arnar Geir Hjartarson var með flesta punkta án forgjafar.  Ásmundur Baldvinsson vann BESTA HOLA, á 53 höggum nettó.

Á lokamótinu var Ásmundur Baldvinson með flesta punkta án forgjafar og Hjalti Árnason var með flesta punkta með forgjöf.

Eigendur Ólafshúss fá þakkir fyrir stuðninginn.