Aðalfundur Golfhermafélagsins verður haldinn sunnudaginn 18.október kl.17:00 í golfskálanum.
Venjuleg aðalfundarstörf.
Félagar GSS eru hvattir til að fjölmenna á fundinn.
Einnig er meðfylgjandi í viðhengi verðskrá fyrir starfsárið 2015-2016.
Vekjum sérstaka athygli á þeim sértilboðum sem eru í gangi í október, nóvember og desember.
Norðvesturþrennan sumarið 2015
GSS – GÓS – GSK
Tilgangurinn með Norðvesturþrennunni er að auka samstarf og samskipti félaganna í golfklúbbunum þremur.
Norðvesturþrennan
Keppt er í þremur flokkum: Opinn flokkur með forgjöf, karlaflokkur án forgjafar, kvennaflokkur án forgjafar. Ekki er gefin hærri leikforgjöf en 36.
Keppendur fá 1 punkt fyrir skolla, 2 fyrir par o.s.frv.
Lagðir eru saman punktar keppenda úr hverju móti. Punktar á „útivöllum“ gilda þó tvöfalt. Verði keppendur jafnir gildir röð á síðasta mótinu.
Verðlaun fyrir flesta punkta í hverjum flokki er gjafabréf frá golfverslun að upphæð 10.000 kr.
Úrslit í opnum flokki punktar með forgjöf:
1. Arnar Geir Hjartarson GSS – 164 punktar
2. Adolf Hjörvar Berndsen GSK – 163 punktar
3. Ásmundur Baldvinsson GSS – 155 punktar
Úrslit í kvennaflokki punktar án forgjafar:
1. Sigríður Elín Þórðardóttir GSS – 82 punktar
2. Guðrún Ásgerður Jónsdóttir GÓS – 78 punktar
3. Ólöf Herborg Hartmannsdóttir GSS – 43 punktar
Úrslit í karlaflokki punktar án forgjafar:
1. Arnar Geir Hjartarson GSS – 154 punktar
2. Elvar Ingi Hjartarson GSS – 112 punktar
3. Rafn Ingi Rafnsson GSS – 95 punktar.
Norðurlandsmótaröð barna og unglinga er lokið þetta sumarið. Lokamótið fór fram á Akureyri laugardaginn 29.ágúst s.l. á
Jaðarsvelli. Um 50 þátttakendur voru á mótinu af öllu Norðurlandi í öllum flokkum og átti Golfklúbbur Sauðárkróks 14 þeirra. Þí stóðu sig öll með mikilli prýði eins og á öðrum mótum mótaraðarinnar í sumar. Flokkarnir eru kynjaskiptir. Þau sem hlutu verðlaun í mótinu voru í flokki 12 ára og yngri, Anna Karen Hjartardóttir sigraði í sínum flokki og og Reynir Bjarkan B. Róbertsson varð í þriðja sæti í sínum flokki. Í flokki 14 ára og yngri varð Hildur Heba Einarsdóttir í 3. sæti og Hákon Ingi Rafnsson varð einnig í 3.sæti. Í flokki 17-21 árs varð síðan Elvar Ingi Hjartarson í 3.sæti. Öll önnur úrslit er að finna á www.golf.is.
Samhliða þessu er síðan stigakeppni þar sem 3 bestu mótin af 4 eru talin skv. stigagjöf GSÍ og þannig eru fundnir út hverjir eru Norðurlandsmeistarar í sínum flokki. Heildarstigagjöfina má finna á nordurgolf.blog.is. Kylfingar frá Golfklúbbi Sauðárkróks voru ofarlega í mörgum flokkum en það voru tvær stúlkur sem hömpuðu Norðurlandsmeistaratitli í sínum flokkum. Anna Karen Hjartardóttir sigraði í flokki 12 ára og yngri og Hildur Heba Einarsdóttir sigraði í flokki 14 ára og yngri. Þó svo að formlegu keppnishaldi sé lokið hjá börnum og unglingum þá er Hlíðarendavöllur í sínu besta standi og um að gera að spila sem lengst inn í haustið.
