Staðgreiðslutilboð á félagsgjöldum fyrir árið 2015

 5% staðgreiðsluafsláttur af félagsgjöldum – Gildir til 31. desember 2014.

Þeir sem vilja nýta sér þetta geta haft samband við Magnús Helgason gjaldkera GSS í síma 867-8998 eða með tölvupósti á gjaldkeri@gss.is

Einfaldast er að millifæra á reikning félagsins í Sparisjóði Skagafjarðar nr.1125-26-72 kt.570884-0349.

Jólatilboð í golfherminn  –  Tilvalin jólagjöf

Fimm tíma kort kr. 10.000.-

Tíu tíma kort kr. 20.000.-

Upplýsingar gefur Kristján Jónasson  894 5276

Ath.tilboðið gildir fram að jólum!

Aðalfundur Golfklúbbs Sauðárkróks var haldinn í golfskálanum á Hlíðarenda þriðjudaginn 9.desember s.l. Ágæt mæting var á fundinn og voru umræður líflegar og skemmtilegar eins og jafnan er á aðalfundi GSS. Venjuleg aðalfundarstörf voru á fundinum og fluttu formenn nefnda ítarlegar skýrslur. Breytingar urðu einnig á stjórn klúbbsins. Rafn Ingi Rafnsson var kosinn formaður og tekur við af Pétri Friðjónssyni sem gegnt hefur því embætti undanfarin ár. Þú var Magnús Helgason kosinn gjaldkeri og tekur hann við af Ragnheiði Matthíasdóttur.  Fundurinn þakkaði þeim Pétri og Ragnheiði kærlega fyrir störf þeirra í þágu klúbbsins á undanförnum árum. Ný stjórn er því þannig skipuð að Rafn Ingi Rafnsson er formaður, Halldór Halldórsson varaformaður, Magnús Helgason gjaldkeri og Dagbjört Hermundsdóttir ritari. Einnig sitja formenn 3ja nefnda í stjórn. Sigríður Elín Þórðardóttir sem formaður mótanefndar, Rúnar Vífilsson formaður vallarnefndar og Hjörtur Geirmundsson formaður barna-og unglinganefndar.

Á fundinum var tilkynnt að Arnar Geir Hjartarson hafi verið tilnefndur af Golfklúbbi Sauðárkróks í kjöri til íþróttamanns Skagafjarðar. Þá var afhentur fyrirmyndarbikar GSS sem er farandbikar sem er veittur árlega þeim kylfingi sem þykir hafa verið til fyrirmyndar bæði innan vallar sem utan. Að þessu sinni hlaut Herdís Sæmundardóttir bikarinn.

Ítarlega skýrslu fyrir starfsárið er að finna hér á síðunni.

Golfklúbbur Sauðárkróks Ársskýrsla 2014

Aðalfundur GSS Golfhermis verður haldinn mánudaginn 8. desember 2014 kl. 17.00, að Hlíðarenda

Venjuleg aðalfundarstörf

Daginn eftir eða þriðjudaginn 9.desember 2014 kl.20:00 verður síðan aðalfundur Golfklúbbs Sauðárkróks haldinn að Hlíðarenda.

Hvetjum sem flesta til að gefa kost á sér í nefndir og/eða bjóða sig fram í stjórn klúbbsins.

Samkvæmt lögum GSS þá skal kjósa á næsta aðalfundi formann, gjaldkera, formann mótanefndar og formann vallarnefndar og er öllum frjálst að bjóða sig fram í þessi störf.

Hvetjum við félagsmenn til að bjóða sig fram til nefndastarfa, til þess þarf ekki að hafa verið í golfi um lengri tíma heldur geta allir tekið þátt í starfi klúbbsins – vanir/óvanir, ungir/aldnir, konur eða karlar.

Dagskrá aðalfundar:

1. Skýrsla stjórnar og nefnda
2. Endurskoðaðir reikningar lagðir fram.
3. Lagabreytingar.
4. Kosning stjórnar og varamanna.
5. Kosning í aðrar nefndir samanber 9.gr.
6. Kosnir tveir skoðunarmenn reikninga og tveir til vara.
7. Kosning fulltrúa Golfþing GSÍ og á þing U.M.S.S.
8. Ákvörðun inntökugjalds samkv. 3gr.
9. Ákvörðun félagsgjalda samkv. 5.gr.
10. Önnur mál.

Stjórn GSS