Sveitakeppni kvenna fer nú fram á Hlíðarendavelli. Hægt er að fylgjast með á twitter.com  – slóðin er gssgolf@gssgolf Völlurinn verður opinn almenningi frá 19:00 og fram eftir kvöldi. Félagar á Sauðárkróki eru hvattir til að koma á völlinn og fylgjast með skemmtilegri keppni.

Bæði lið GSS sigruðu í fyrstu umferð. Konurnar sigruðu lið Ólafsfjarðar 3-0 og karlarnir lið Þorlákshafnar 3-0.

Golfklúbbur Sauðárkróks sendir sveitir til leiks í sveitakeppnum GSÍ sem hefjast n.k. föstudag 8.ágúst.

Á Hlíðarendavelli á Sauðárkróki verður 2.deild kvenna spiluð og þær sem keppa fyrir hönd GSS eru þessar:

Aldís Ósk Unnarsdóttir

Árný Lilja Árnadóttir

Dagbjört Hermundsdóttir

Ragnheiður Matthíasdóttir

Sigríður Elín Þórðardóttir

Liðsstjóri: Hlynur Þór Haraldsson

Á Kálfatjarnarvelli við Voga á Vatnsleysuströnd verður 4.deild karla leikin og þar verður karlasveit GSS í eldlínunni. Þeir sem keppa þar fyrir hönd GSS eru:

Arnar Geir Hjartarson

Brynjar Örn Guðmundsson

Elvar Ingi Hjartarson

Hlynur Freyr Einarsson

Ingvi Þór Óskarsson

Jóhann Örn Bjarkason, sem jafnframt er liðsstjóri.

Hægt verður að fylgjast með framvindu mála á www.golf.is alla dagana.

Við viljum einnig hvetja bæjarbúa til að kíkja á Hlíðarendavöll og fylgjast með skemmtilegri keppni í 2.deild kvenna.

Mjög góð þátttaka var í Opna Vodafone og Coca Cola mótinu síðastliðinn laugardag.  Leikfyrirkomulag var punktakeppni án forgjafar í kvenna- og karlaflokki og punktakeppni með forgjöf einn opinn flokkur.

Helstu úrslit í punktakeppni án forgjafar voru:

Karlar

1. Heiðar Davíð Bragason GHD – 36 punktar
2. Arnar Geir Hjartarson GSS – 35 punktar
3. Helgi Birkir  Þórisson GSE – 34 punktar

Konur

1. Árný Lilja Árnadóttir GSS – 26 punktar
2. Svanborg Guðjónsdóttir GSS – 21 punktur
3. Sigríður Elín Þórðardóttir GSS – 18 punktar.

Nánari upplýsingar um úrslit  eru á golf.is

Styrktaraðilum Vodafone og Coca Cola er þakkaður stuðningurinn.