Sumaræfingarnar er að byrja!

Jón Þorsteinn golfkennari kemur á mánudaginn næsta (23.5.) og þá byrja golfæfingar sumarsins.
Fyrsta æfing fyrir börn og unglinga klukkan 15:00.
Mæting er á golfvellinum og viljum við hvetja alla að vera klædda eftir veðri

Endilega látið berast.

Í dag var íþróttamaður Skagafjarðar útnefndur í hófi á vegum UMSS í húsi frítímans á Sauðárkróki.
Tilnefningar voru frá öllum aðildarfélögum UMSS og einnig fengu ungir og efnilegir íþróttamenn viðurkenningar.
Frá Golfklúbbi Sauðárkróks fengu Telma Ösp Einarsdóttir og Hákon Ingi Rafnsson viðurkenningar í flokki ungra og efnilegra íþróttamanna.
Arnar Geir Hjartarson var tilnefndur í kjöri íþróttamanns Skagafjarðar fyrir árið 2015.
Þá fékk karlasveit Golfklúbbsins viðurkenningu í flokknum lið ársins og Jón Þorsteinn Hjartarson PGA golfkennari fékk viðurkenningu í flokknum þjálfari ársins.
Íþróttamaður Skagafjarðar árið 2015 var kjörin Þóranna Sigurjónsdóttir frjálsíþróttkona úr Tindastóli og óskar Golfklúbbur Sauðárkróks henni hjartanlega til hamingju með titilinn sem hún er sannarlega vel að komin.

Meðfylgjandi mynd er af Arnari Geir og Telmu Ösp með sínar viðurkenningar

Ertu að leita að jólagjöf? Hvernig væri að gefa hringi á Hlíðarendavelli í sumar.
Hægt er að kaupa gjafabréf hjá gjaldkera GSS með því að hafa samband í síma 867-8998 eða á netfangið gjaldkeri@gss.is